Child has 9 versions (A-i) of Tam Lin

[ A | B | C | D | E | F | G | H | I ]

Version A

Name: 'Tam Lin'

Note: Johnson's Museum, p. 423, No 411. Communicated by
Robert Burns.


1 0 I FORBID you, maidens a',
That wear gowd on your hair,
To come or gae by Carterbaugh,
For young TaM Lin is there.

2 There's nane that gaes by Carterhaugh
But they leave him a wad,
Either their rings, or green mantles,
Or else their maidenhead.

3 Janet has kilted her green kirtle
A little aboon her knee,
And she has broded her yellow hair
A little aboon her bree,
And she's awa to Carterhaugh,
As fast as she can hie.

4 When she came to Carterhaugh
Tam Lin was at the well,
And there she fand his steed standing,
But away was himsel.

5 She had na pu'd a double rose,
A rose but only twa,
Till up then started young Tam Lin,
Says, Lady, thou's pa nae mae.

6 Why pu's thou the rose, Janet,
And why breaks thou the wand?
Or why comes thou to Carterhaugh
Withoutten my command?

7 'Carterhaugh, it is my ain,
My daddie gave it me;
I'll come and gang by Carterhaugh,
And ask nae leave at thee.'

	*	*	*	*	*	
						
8 Janet has kilted her green kirtle
A little aboon her knee,
And she has snooded her yellow hair
A little aboon her bree,
And she is to her father's ha,
As fast as she can hie.

9 Four and twenty ladies fair
Were playing at the ba,
And out then cam the fair Janet,
Ance the flower amang them a'.

10 Four and twenty ladies fair
Were playing at the chess,
And out then cain the fair Janet,
As green as onie glass.

11 Out then spak an auld grey knight,
Lay oer the castle wa,
And says, Alas, fair Janet, for thee
But we 'll be blamed a'.

12 'Haud your tongue, ye auld fac'd knight,
Some ill death may ye die!
Father my bairn on whom I will,
I 'II father nane on thee.'

13 Out then spak her father dear,
And he spak meek and mild;
'And ever alas, sweet Janet,' he says,
'I think thou gaes wi child.'

14 'If that I gae wi child, father,
Mysel maun bear the blame;
There's neer a laird about your ha
Shall get the bairn's name.

15 'If my love were an earthly knight.
As he's an elfin grey,
I wad na gie my ain true-love
For nae lord that ye hae.

16 'The steed that my true-love rides on
Is lighter than the wind;
Wi siller he is shod before,
Wi burning gowd behind.'

17 Janet has kilted her green kirtle
A little aboon her knee,
And she has snooded her yellow hair
A little aboon her bree,
And she's awa to Carterhaugh,
As fast as she can hie.

18 When she cam to Carterhaugh,
Tam Lin was at the well,
And there she fand his steed standing,
But away was himsel.

19 She had na pu'd a double rose,
A rose but only twa,
Till up then started young Tam Lin,
Says Lady, thou pu's nae mae.

20 Why pu's thou the rose, Janet,
Amang the groves sae green,
And a' to kill the bonie babe
That we gat us between? 
As green as onie glass.

21 '0 tell me, tell me, Tam Lin,' she says,
'For's sake that died on tree,
If eer ye was in holy chapel,
Or christendom did see?'

22 'Roxbrugh he was my grandfather,
Took me with him to bide, 
And ance it fell upon a day 
That wae did me betide.	

23 'And ance it fell upon a day,
A cauld day and a snell,
When we were frae the hunting come,
That frae my horse I fell;
The Queen o Fairies she caught me,
In yon green hill to dwell.	

24 'And pleasant is the fairy land,
But, an eerie tale to tell,
Ay at the end of seven years
We pay a tiend to hell;
I am sae fair and fu o flesh,
I 'm feard it be mysel.

25 'But the night is Halloween, lady,
The morn is Hallowday;
Then win me, win me, an ye will,
For weel I wat ye may.

26 'Just at the mirk and midnight hour
The fairy folk will ride,
And they that wad their true-love win,
At Miles Cross they maun bide.'

27 'But how shall I thee ken, Tam Lin,
Or how my true-love know,
Amang sac mony unco knights
The llke I never saw?'

28 '0 first let pass the black, lady,
And syne let pass the brown,
But quickly run to the milk-white steed,
Pu ye his rider down.

29 'For I'll ride on the milk-white steed,
And ay nearest the town;
Because I was an earthly knight
They gie me that renown.

30 'My right hand will be glovd, lady,
My heft hand will be bare,
Cockt up shall my bonnet be,
And kaimd down shall my hair,
And thae's the takens I gie thee,
Nae doubt I will be there.

31 'They'll turn me in your arms, lady,
Into an esk and adder;
But hold me fast, and fear me not,
I am your bairn's father.

32 'They'll turn me to a bear
And then a lion bold;
But hold me fast, and fear me not,
As ye shall love your child.

33 'Again they 'll turn me in your arms
To a red het gaud of aim;
But hold me fast, and fear me not,
I'll do to you nae harm.

34 'And last they 'll turn me in your arms
Into the burning gleed;
Then throw me into well water,
0 throw me in wi speed.

35 'And then I'll be your ain true-love,
I'll turn a naked knight;
Then cover me wi your green mantle,
And cover me out o sight.'

36 Gloomy, gloomy was the night,
And eerie was the way,
As fair Jenny in her green mantle
To Miles Cross she did gae.

37 About the middle o the night
She heard the bridles ring;
This lady was as glad at that
As any earthly thing.

38 First she let the black pass by,
And sync she let the brown;
But quickly she ran to the milk-white steed,
And pu'd the rider down.

39 Sae weel she minded whae he did say,
And young Tam Lin did win;
Syne coverd him wi her green mantle.
As blythe 's a bird in spring.

40 Out then spak the Queen o Fairies,
Out of a bush o broom:
'Them that has gotten young Tam Lin
Has gotten a stately groom.'

41 Out then spak the Queen o Fairies,
And an angry woman was she'
'Shame betide her ill-far'd face,
And an ill death may she die,
For she's taen awn the boniest knight
In a' my compnnie.

42 'But had I kend, Tam Lin,' she says,
'What now this night I see,
I wad hae taen out thy twa grey een,
And put in twa een o tree.'




Version B

Name: 'Young Tom Line'

Note: Glenriddell's MSS, vol. xi, No 17.


1 I FORBID ye, maidens a',
That wear goud on your gear,
To come and gae by Carterhaugh,
For young Tom Line is there.

2 There's nane that gaes by Carterhaugh
But they leave him a wad,
Either their things or green mantles,
Or else their maidenhead.

3 But Janet has kilted her green kirtle
A little above her knee,
And she has broded her yellow hair
A little above her bree,
And she has gaen for Carterhaugh,
As fast as she can hie.

4 When she came to Carterhaugh
Tom Line was at the well,
And there she fand his steed standing,
But away was himsell.
	
5 She hadna pu'd a double rose,
A rose but only twae,
Till up then started young Tom Line,
Says, Lady, thou's pu nae mae.

6 Why pu's thou the rose, Janet?
Why breaks thou the wand?
Why comest thou to Carterhaugh
Witbouthen my command?

7 'Fair Carterhaugh it is my ain,
My daddy gave it me;
I'll come and gae by Carterhnaugh,
And ask nae leave at thee.'	

    * * * * *

8 Janet has kilted her green kirtle
A llttle aboon her knee,
And she has snooded her yellow hair
A little aboon her bree,
And she is on to her father's ha,
As fast as she can hie.	

9 Four and twenty ladies fair
Were playing at the ba,
And out then came fair Janet,
The flowr amang them a'.

10 Four and twenty ladies fair
Were playing at the chess,
Out then came fair Janet,
As green as ony glass.

11 Out spak an auld grey-headed knight,
Lay owre the castle wa,
And says, Alas, fair Janet,
For thee we'll be blam'd a'.

12 'Had your tongue, you auld grey knight,
Some ill dead may ye die!
Father my bairn on whom I will,
I'll father nane on thee.'

13 Out then spak her father dear,
He spak baith thick and milde;
'And ever alas, sweet Janet,' be says,
'I think ye gae wi childe.'

14 'If that I gae wi child, father,
Mysell bears a' the blame;
There's not a laird about your ha
Shall get the bairnie's name.

15 'If my lord were an earthly knight,
As he's an elfish grey,
I wad na gie my am true-love
For nae lord that ye hae.'

16 Janet has kilted her green kirtle
A little aboon her knee,
And she has snooded her yellow hair
A little aboon her bree,
And she 's away to Carterhaugh,
As fast as she can hie.

17 When she came to Carterhaugh,
Tom Line was at the well,
And there she faund his steed standing,
But away was himsell.

18 She hadna pu'd a double rose,
A rose but only twae,
Till up then started young Tom Line,	
Says, Lady, thou's pu na mae.

19 Why pu's thou the rose, Janet,	
Out owr yon groves sae green,
And a' to kill your bonny babe,	
That we gat us between?	

20 '0 tell me, tell me, Tom,' she says,	
'For sake who diedon tree,
If eer ye were in holy chapel,	
Or christendom did see.'	
	
21 'Roxburgh he was my grandfather,	
Took me with him to bide,
And ance it fell upon a day
That wae did me betide.

22 'Ance it fell upon a day,	
A cauld day and a snell,
When we were frae the hunting come,	
That from my horse I fell.	

23 'The Queen of Fairies she came by,
Took me wi her to dwell,
Evn where she has a pleasant land
For those that in it dwell,
But at the end o seven years,
They pay their teind to hell.

24 'The night it is gude Halloween,
The fairie folk do ride,
And they that wad their true-love win,
At Miles Cross they mnun bide.'

25 'But how shall I thee ken, Thomas,
Or how shall I thee knaw,
Amang a pack o uncouth knights
The like I never saw?'

26 'The first company that passes by,
Say na, and let them gae;
The next company that passes by,
Say na, and do right sae;
The third company that passes by,
Then I'11 be ane o thae.

27 'Some ride upon a black, lady,
And some  ride on a brown,
But I ride on a milk-white steed,
And ay nearest the town:
Because I was an earthly knight
They gae me that renown.

28 'My right hand will be glovd, lady,
My left hand wlll be bare,
And thae's the tokens I gie thee,
Nae doubt I will be there. 

29 'Then hie thee to the milk-white steed,
And pu me quickly down,
Cast thy green kirtle owr me,
And keep me frae the rain. 

30 'They'll turn me in thy arms, lady,
An adder and a snake;
But hold me fast, let me na gae,
To be your warldly mate.

31 'They'll turn me in your arms, lady,
A grey greyhound to girn;
But hald me fast, let me na gae,
The father o your bairn. 

32 'They'11 turn me in your arms, lady,
A red het gad o iron;
Then hand me fast, and be na feard,
I'11 do to you nae harm.

33 'They'll turn me in your arms, lady,
A mother-naked man;
Cast your green kirtle owr me.
To keep me frae the rain.

34 'First dip me in a stand o milk,
And then a stand o water;
Haud me fast, let me na gae,
I'll be your bairnie's father.'

35 Janet has kilted her green kirtle
A little aboon her knee,
And she has snooded her yellow hair
A little aboon her bree,
And she is on to Miles Cross,
As fast as she can hie.

36 The first company that passd by,
She said na, and let them gae;
The next company that passed by,
She said na, and did right sae
The third company that passed by,
Then he was ane o thae. 

37 She hied her to the milk-white steed,
And pu'd him quickly down;
She cast her green kirtle owr him,
To keep him frae the rain
Then she did all was orderd her,
And sae recoverd him.

38 Then out then spak the Queen o Fairies,
Out o a bush o broom;
'They that hae gotten young Tom Line
Hae got a stately groom.'

39 Out than spak the Queen o Fairies,
Out o a bush of rye:
'Them that has gotten young Tom Line
Has the best knight in my company.

40 'Had I kend, Thomas,' she says,
'A lady wad hae borrowd thee,
I wad hae taen out thy twa grey een,
Put in twa een o tree.

41 'Had I but kend, Thomas,' she says,
'Before I came frae hame,
I had taen out that heart o flesh,
Put in a heart o stane.'


	 

Version C

Name: 'Kertonha, or The Fairy Court'

Note: Herd, The Ancient and Modern Scots Songs, 1769 p. 300.


1 SHE'S prickt hersell and prind hersell,
By the ae light o the moon,
And she 's awa to Kertonha,
As fast as she can gang.

2 'What gars ye pu the rose, Jennet?
What gars ye break the tree?
What gars you gang to Kertonha
Without the leave of me?'

3 'Yes, I will pu the rose, Thomas,
And I will break the tree;
For Kertonha shoud be my ain,
Nor ask I leave of thee.'

4 'Full pleasant is the fairy land,
And happy there to dwell;
I am a fairy, lyth and limb,
Fair maiden, view me well.

5 '0 pleasant is the fairy land,
How happy there to dwell!
But ay at every seven years end
We're a' dung down to hell.

6 'The morn is good Halloween,
 And our court a' will ride;
If ony maiden wins her man,
Then she may be his bride.

7 'But first ye'll let the black gae by,
And then ye'll let the brown;
Then I'll ride on a milk-white steed,
You'll pu me to the ground.

8 'And first, I'll grow into your arms
An esk but and an edder;
Had me fast, let me not gang,
I'll be your bairn's father.

9 'Next, I'll grow into your arms
A toad but and an eel;
Had me fast, let me not gang,
If you do love me leel.

10 'Last, I'll grow into your arms
A dove but and a swan;
Then, maiden fair, you 'll let me go,
I'll be a perfect man.'


Version D

Name: a. 'Tom Linn,' c. 'Tom o Linn'

Note:  a. Motherwell's MS., p. 532, a North Country version.
b. Maidment's New Book of Old Ballads, 1844, p. 54, from	
the recitation of an old woman. o. Pitcairn's MSS 1817-
25, III, p. 67: "procured by David Webster, Bookseller,	
from tradition."	


1 O ALL you ladies young and gay,
Who are so sweet and fair,
Do not go into Chaster's wood,
For Tomlin will be there.

2 Fair Margret sat in her bonny bower,
Sewing her silken seam,
Arid wished to be in Chaster s wood,
Among the leaves so green.

3 She let her seam fall to her foot,
Time needle to her toe,
And she has gone to Chaster's wood,
As fast as she could go.

4 When she began to pull the flowers,
She pulld both red and green;
Then by did come, and by did go,
Said, Fair maid, let aleene.

5 '0 why pluck you the flowers, lady,
Or why climb you the tree?
Or why come ye to Chaster's wood
Without the leave of me?'

6 '0 I will pull the flowers,' she said,
'Or I will break the tree,
For Chaster's wood it is my own,
I'll no ask leave at thee.'

7 He took her by the milk-white hand.
And by the grass green sleeve,
And laid her low down on the flowers,
At her he asked no leave.	
		
8 The lady blushed, and sourly frowned,	
And she did think great shame
Says, 'If you are a gentleman,
You will tell me your name.'

9 'First they did call me Jack,' he said,
'And then they called me John,
But since I lived in the fairy court
Tomlin has always been my name.

10 'So do not pluck that flower, lady,
That has these pimples gray;
They would destroy the bonny babe
That we've got in our play.'

11 '0 tell me, Tomlin,' she said,
'And tell it to me soon,
Was you ever at good church-door,
Or got you christendoom?'

12 '0 I have been at good church-door,
And aff her yetts within;
I was the Laird of Foulis's son,
The heir of all this land.

13 'But it fell once upon a day,
As hunting I did ride,
As I rode east and west yon hill
There woe did me betide.

14 '0 drowsy, drowsy as I was!
Dead sleep upon me fell
The Queen of Fairies she was there,
And took me to hersell.

15 'The Elfins is a pretty place,
In which I love to dwell,
But yet at every seven years' end
The last here goes to hell;
And as I am ane o flesh and blood,
I fear the next be mysell.

16 'The morn at even is Halloween;
Our fairy court will ride,
Throw England and Scotland both,
Throw al the world wide
And if ye would me borrow,
At Rides Cross ye may bide.

17 'You may go into the Miles Moss,
Between twelve hours and one;
Take holy water in your hand,
And east a compass round.

18 'The first court that comes along,
You 'll let them all pass by;
The next court that comes along,
Salute them reverently.

19 'The next court that comes along
Is clad in robes of green,
And it's the head court of them all,
For in it rides the queen.

20 'And I upon a milk-whIte steed,
With a gold star in my crown;
Because I am an earthly man
I'm next to the queen in renown.

21 'Then seize upon me with a spring,
Then to the ground I'11 fa,
And then you '11 hear a rueful cry
That Tomlin is awa.

22 'Then I'11 grow in your arms two
Like to a savage wild
But hold me fast, let me not go,
I'm father of your child.

23 'I'll grow into your arms two
Like an adder or a snake;
But bold me fast, let me not go,
I'll be your earthly maick.

24 'I'11 grow into your arms two
Like iron in strong fire;
But hold me fast, let me not go,
Then you'11 have your desire.'

25 She rid down to Miles Cross,
Between twelve hours and one,
Took holy water in her hand,
And cast a compass round.

26 The first court that came along,
She let them all pass by;
The next court that came along
Saluted reverently.

27 The next court that came along
Were clad in robes of green,
When Tomlin, on a milk-white steed,
She saw ride with the queen.

28 She seized him in her arms two,
He to the ground did fa,
And then she heard a raefull cry
'Tomlin is now awa.'

29 He grew into her arms two
Like to a savage wild;
She held him fast, let him not go,
The father of her child.

30 He grew into her arms two
Like an adder or a snake
She held him fast, let him not go,
He was her earthly maick.

31 He grew into her arms two
Like iron in hot fire;
She held him fast, let him not go,
He was her heart's desire.

32 Then sounded out throw elphin court,
With a loud shout and a cry,
That the pretty maid of Chaster's wood
That day had caught her prey.

33 '0 stay, Tomlin,' cried Elpbin Queen,
'Till I pay you your fee;'
'His father has lands and rents enough,
He wants no fee from thee.'

34 '0 had I known at early morn
Tomlin would from me gone,
I would have taken out his heart of flesh
Put in a heart of stone.'


Version E

Name: 'Young Tamlin'

Note: Motherwell's Note-book p. 13.


1 LADY MARGARET is over gravel green.
And she's awa to Charteris ha,
Lang lang three hour or day.

2 She hadna pu'd a flower, a flower,
A flower but only ane,
Till up and started young Tamlin,
Says, Lady, let alane.

3 She hadna pu'd a flower, a flower,
A flower but only twa,
Till up and started young Tamlene,
Atween her and the wa.

4 'How daur you pu my flower, madam?
How daur ye break my tree?
How daur ye come to Charter's ha,
Without the leave of me ?'

5 'Wed I may pu the rose,' she said,
'But I daurna break the tree;
And Charter's ha is my father's
And I 'm his heir to be.' 

6 'If Charteris ha be thy father's,
I was ance as gude mysell;
But as I came in by Lady Kirk,
And in by Lady Well,

7 'Deep and drowsy was the sleep
On my poor body fell;
By came the Queen of Faery,
Made me with her to dwell.

8 'But the morn at een is Halloween,
Our fairy foks a' do ride;
And she that will her true-love win,
At Blackstock she muust bide.

9 'First let by the black,' he said,
'And syne let by the brown
But when you see the milk-white steed,
You'll pull his rider down.

10 'You'll pull him into thy arms,
Let his bricht bridle fa,
And he'll fa low into your arms
Like stone hi castle's wa.

11 'They'll first shape him into your arms
An adder or a snake;
But hobd him fast, let him not go,
He'11 be your world's make.

12 'They'11 next shape him into your arms
Like a wood black dog to bite;
Hold him fast, let him not go,
For he'll be your heart's delight.

13 'They'11 next shape [him] into your arms
But hold himn fast, let him not go,
He's the father o your bairn.

14 'They'll next shape hmini into your arms
Like the laidiest worm of Ind;
But bold him fast, let him not go,
And cry aye "Young Tanilin."'

	*	*	*	*	*

15 Lady Margaret first bet by time black,
And syne let by the brown,
But when she saw the milk-white steed
She pulled the rider down.

16 She puihed him into her arms,
Let his bright bridle fa',
And he fell low into her arms,
Like stone imm castle's wa.

17 They first shaped him into arms
An adder or a snake;
But she held him fast, let him not go,
For he'd be her warld's make.

18 They next shiaped him into her arms
Like a wood black dog to bite;
But she held him fast, let him not go,
For h'd be be heart's delight.

19 They next shaped him into her arms
Like a red-hot gaud o airn;
But she held him fast, let him not go,
He'd be father o her bairn. 

20 They next shaped him into her arms
Like the laidliest worm of Ind;
But she held him fast, let him not go,
And cried aye 'Young Tamlin.'

21 The Queen of Faery turned her horse about,
Says, Adieu to thee, Tamlene!
For if I had kent what I ken this night,
If I had kent it yestreen,
I wad hae taen out thy heart o flesh,
And put in a heart o stane. 



Version F

Name: 'Tomaline'

Note: Motherwell's MS., p. 64, froum the recitation of widow	
McCormick, February, 1825.	


1 SHE'S taen her petticoat by the band,	
Her mantle owre her arm,
And she's awa to Chester wood,		
As fast as she could run.

2 She searsely pulled a rose, a rose,
She searse pulled two or three,
Till up there starts Thomas
On the Lady Margaret's knee.

3 She's taeu her petticoat by the band,
Her mantle owre her arm,
And Lady Margaret's gamme hame agen,
As fast as she could run.

4 Up starts Lady Margaret's sister,
An angry woman was she:
'If there ever was a woman wi child,
Margaret, you are wi!

5 Up starts Lady Margaret's mother,
An angry womam was she
'There grows ane herb in you kirk-yard
That will scathe the babe away.'

6 She took her petticoats by the hand,
Her mantle owre her arm,	
And she's gane to you kirk-yard	
As fast as she could run.

7 She scarcely pulled an herb, an herb,	
She soarse pulled two or three,
Tll up starts there Thomas
Upon this Lady Margret's knee.

8 'How dare ye pull a rose?' he says,
'How dare ye break the tree?
How dare ye pull this herb,' he says,
'To scathe my bahe away?

9 'This night is Halloweve,' he said,
'Our court is going to waste,
And theom that loves their true-love best
At Chester bridge they'11 meet.

10 'First let pass the black,' he says,
'And them let pass the brown,
But when ye meet the milk-white steed!
Pull ye the rider down.

11 'They'll turn me to an eagle,' he says,
'And then into an ass;
Come, hold me fast, and fear me not,
The man that you love best.

12 'They'll turn me to a flash of fire,
And then to a naked man;
Come, wrap you your mantle me about,
And then you'll have me won.'

13 She took her petticoats by the band,
Her mantle owre her arm,
And she's awa to Chester bridge,
As fast as she could run.

14 And first she did let pass the black,
And then let pass the brown,
But when she met time milk-white steed.
She pulled the rider down.

15 They turned him in her arms an eagle,
And then into an ass;
But she held him fast, and feared him not,
The man that she loved best.

16 They turned him into a flash of fire,
And then into a naked man
But she wrapped her mantle him about,
And then she had him won.

17 '0 wae be to ye, Lady Margaret,
And an ill death may you die,
For you 'ye robbed me of the bravest knight
That eer rode in our company.'


Version G

Name: 'Tamsic-aline, the Elfin Knight,' 'Tam a-Lin or The Knight of Faerylande''

Note: Buchan's MSS, I, 8; Motherwell's MS. p 595


1 TAKE warning, a' ye ladies fair,
That wear gowd on your hair,
Come never unto Charter's woods,
For Tamsic-a-line he's there.

2 Even about that knight's middle	
0' siller bells are nine,
Nae ane comes to Charter wood,
And a maid returns again.

3 Lady Margaret sits in her bower door,
Sewing at her silken seam
And she langd to gang to Charter woods,
To pou the roses green.

4 She hadna pond a rose, a rose,
Nor broke a branch but ane,
Till by it came him true Tamn-a-line,
Says, Ladye, lat alane.

5 0 why pou ye the rose, the rose?
Or why brake ye the tree?
Or why come ye to Charter woods,
Without leave askd of me?

6 'I will pou the rose, the rose,
And I will brake the tree
Charter woods are a' my ain
I'11 ask nae leave o thee.'

7 He's taen her by the milk-white hand,
And by the grass-green sleeve,
And laid her low on guide green wood,
At her he spierd nae leave.

8 When he had got his wills of her,
His wills as lie had taen,
He's taen her by the middle sma,
Set her to feet again. 

9 She turned her right and round about,
To spier her true-love's name,
But naething heard she nor naething saw,	
As a' the woods grew dim.

10 Seven days she tarried there,
Saw neither sun nor meen;
At length, by a sma glimmering light,
Came thro the wood her lane.

11 When she came to her father's court,
As fine as ony queen;
But when eight months were past and gane,
Got on the gown o' green.

12 Then out it speaks an eldren knight,
As he stood at the yett:
'Our king's daughter, she gaes wi bairn,
And we'll get a' the wyte.'	

13 '0 had your tongue, ye eldren man,
And bring me not to shame;
Although that I do gang wi bairn,
Yese naeways get the blame.

14 'Were my love but an earthly man,
As he's an elfin knight,
I woudna gie my ai true love
For a' that's in my sight.'

15 Then out it speaks her britber dear,
He meant to do her harm:
'There is an herb in Charter wood
Will twine you an the bairn.'

16 She's taen her mantle her about,
Her coffer by the hand,
And she is on to Charter wood,
As fast as she coud gang.
		
17 She hadna poud a rose, a rose,
Nor braken a branch but ane,
Till by it came him Tamsic-a-Line,	
Says, Ladye, lat alane.

18 0 why pou ye the pile, Margaret,
The pile o the gravil green,
For to destroy the bonny bairn
That we got us between?

19 0 why pou ye the pile, Margaret,
The pile o the gravil gray,
For to destroy the bonny bairn
That we got in our play?

20 For if it be a knave-bairn,
He's heir o a' my laud;
But if it be a bass-bairn,
In red gowd she shall gang.

21 'If my luve were an earthly man,
As he's an elfin rae,
I coud gang bound, love, for your sake,
A twalmonth and a day.'

22 'Indeed your love's an earthly man,
The same as well as thee,
And hang I've haunted Charter woods,
A' for your fair bodie.'

23 '0 tell me, tell me, Tamsic-a-Line,
0 tell, an tell me true,
Tell me this night, an mak nae lie,
What pedigree are you?'

24 '0 I hae been at gude church-door,
An I've got christendom;
I'm the Earl o' Forbes' eldest son,
An heir ower a' his land.

25 'When I was young, o three years old,
Muckle was mnade o nie;
My step-mother put on my claithes,
An ill, ill sained she me.

26 'Ae fatal mnorning I went out,
Dreading nae injury,
And thinking lang, fell soun asleep,
Beneath an apple tree.

27 'Then by it caine the Elfin Queen,
And laid her hand on me;
And from that time since ever I mind,
I've been in her companie.

28 '0 Elfin it 's a bonny place,
In it fain woud I dwell;
But ay at ilka seven years' end
They pay a tiend to hell,
And I 'm sae fou o flesh an blude,
I'm sair feard for mysell.'

29 '0 tell me, tell me, Tamsic-a-Line,
0 tell, an tell me true;
Tell me this night, an mak nae lie,
What way I'll borrow you?'

30 'The morn is Halloweven night,	
Time elfin court will ride,
Through England, and thro a' Scotland,
And through time world wide.

31 '0 they begin at sky setting,
Rides a' the evening tide;
And she that will her true-love borrow,
[At] Miles-corse will him bide.	

32 'Ye'll do you down to Miles-corse,
Between twall hours and ane,
And full your hands o holy water,
And cast your compass roun.

33 'Then the first an court that comes you till
Is published king and queen;
Time next aim court that comes you till,
It is maidens mony ane.	

34 'The next an court that comes you till
Is footmen, grooms and squires;
The next an court tlmnt conies you till
Is knights, and I '11 be there.

35 'I Tamsic-a-Line, on milk-white steed,
A goud star on my crown;
Because I was an earthly knight,
Got that for a renown.	

36 'And out at nmy steed's right nostril,
He'11 breathe a fiery flame;
Ye'11 loot you low, and sain yoursel,
And ye'll be busy then.

37 'Ye'll take my horse then by the head,
Amid hat the bridal fa;
The Queen o' Elfin she'11 cry out,
True Tamsic-a-Line's awa.	

38 'Then I'11 appear in your arms	
Like the wolf that neer woud tame;
Ye'll had me fast, lat me not go,
Case we neer meet again.

39 'Then I'11 appear in your arms
Like the fire that burns sae bauld;	
Ye'11 had me fast, lat me not go,
I'll be as iron cauld.

40 'Then I'll appear in your arms
Like the adder an the snake;
Ye'll had me fast, lat me not go,
I am your warld's make.

41 'Then I'll appear in your arnms
Like to the deer sae wild;
Ye'll had me fast, lat me not go,
And I'11 father your child.

42 'And I'll appear in your arms
Like to a silken string;
Ye'11 had me fast, lat me not go,
Till ye see the fair morning.

43 'And I'll appear in your arms
Like to a naked man;
Ye '11 had me fast, lat me not go,
And wi you I'll gae hame.'

44 Then she has done her to Miles-corse,
Between twall hours an ane,
And filled her hands o holy water,
And kiest her compass roun.

45 The first an court that came her till
Was published king and queen;
The niest an court that came her till
Was maidens mony ane.

46 The niest an court that came her till
Was footnmen, grooms and squires;
The niest an court that came her till
Was knights, and he was there.

47 True Tamsic-a-Line, on milk-white steed,
A gowd star omm his crown;
Because he was an earthly man,
Got that for a renown.

48 And out at the steed's right nostril,
He breathd a fiery flame;
She loots her low, an sains hersell,
And she was busy then.

49 She's taen the horse then by the head,
And loot the bridle fa;
The Queen o Elfin she cried out,
'True Tamsic-a-Line's awa.'

50 'Stay still, true Tammsic-a-Line,' she says,
'Till I pay you your fee:'
'His father wants not hands nor rents,
He'11 ask nae fee frae thee.'

51 'Gin I had kent yestreen, yestreen,	
What I ken weel time day,
I shoud taen your fu fause heart,
Gien you a heart o clay.'	
		
52 Then he appeared in her arms
Like the wolf that neer woud tame;
She held him fast, let him not go,
Case they neerr meet again.

53 Then he appeared in her arms
Like the fire burning bauld;
She held him fast, let him not go,
He was as iron cauld.

54 And he appeared in her armms
Like the adder an the snake;
She held him fast, let him not go,
He was her warld's make.

55 And he appeared in her arms
Like to the deer sae wild;
She held him fast, let him not go,
He 's father o her child.

56 And he appeared in her arms
Like to a silken string;
She held himmm fast, let him not go,
Till she saw fair morning.

57 And he appeared in her arms
Like to a naked man;
She held himn fast, let him not go,
And wi her he's gaue hnnme.

58 These news hae reachd thro a' Scotland,
And far ayont the Tay,
That Lady Margaret, our king's daughter,
That might had gain her prey.

59 She borrowed her love at mirk midnight,
Bare her young son ere day,
And though ye'd search the warld wide,
Ye'11 nae find sic a may.



Version H

Name: 'Young Tam Lane' 

Note: Campbell MSS, II, 129.


1 I FORBID ye, maidens a',	
That wears gowd in your hair,
To come or gang by Carterhaugh,
For young Tam Lane is there.

2 I forbid ye, maidens a',
That wears gowd in your green,
To come or gang by Carterhaugh,
For fear of young Tam Lane.

3 'Go saddle for me the black,' says Janet,
Go saddle for me time brown,
And I'll away to Carterhaugh,
And flower mysell the gown.

4 'Go saddle for me the brown,' says Janet,
'Go saddle for me the black,
And I'11 away to Carterhaugh,
And flower mysel a hat.'	

	*	*	*	*	*	

5 She had not pulld a flowr, a flowr,
A flower but only three,
Till up there startit young Tam Lane,
Just at bird Janet's knee.

6 'Why pullst thou thee herb, Janet,
And why breaks thou the tree?
Why put you back the bonny babe
That's between you and me?'

7 'If my child was to an earthly man,
As it is to a wild buck rae,
I would wake him the lengtlh of the winter's night,
And the lea lang simmer's day.'

8 'The night is Halloween, Janet,
When our gude neighbours will ride,
And them that would their true-love won
At Blackning Cross maun bide.

9 'Many will the black ride by,
And many will the brown,
But I ride on a milk-white steed,
And ride nearest the town
Because I was a christened knight
They gie me that renown.

10 'Many will the black ride by,
But far mae will the brown;
But when ye see the milk-white stead,
Grip fast and pull me down.

11 'Take me in yer arms, Janet,
An ask, an adder lang;
The grip ye get ye maun haud fast,
I'll be father to your bairn.

12 'Take me in your arms, Janet,
An adder and a snake;
The grip ye get ye maun hand fast,
I'll be your warld's make.'

13 Up bespak the Queen of Fairies,
She spak baith loud and high:
'Had I kend the day at noon
Tam Lane had been won from me,

14 'I wad hae taen out his heart o flesh,
Put in a heart o tree,
That a' the maids o Middle Middle Mist
Should neer hae taen Tam Lane frae me.'

15 Up bespack the Queen of Fairies,
And she spak wi a loud yell:
'Aye at every seven year's end
We pay the kane to hell.
And the koors they hae gane round about,
And I fear it will be mysel.'


	
Version I

Name: 'The Young Tamlane'

Note: a. Minstrelsy, of the Scottish Border, II, 337, ed 1833.	
b. II, 228. ed 1802.	


1 '0 I FORBID ye, maidens a',
That wear gowd on your hair,
To come or gae by Carterhaugh,
For young Tamlane is there.

2 'There's nane that gaes by Carterhaugh
But maun leave him a wad,
Either gowd rings, or green mantles,
Or else their maidenheid.

3 'Now gowd rings ye may buy maidens
Green mantles ye may spim
But, gin ye lose your maidenhead
Ye'll neer get that agen.'

4 But up then spak her, fair Janet,
The fairest o a' her kin:
'I'll cum and gang to Carterhaugh,
And ask nae leave o him.'

5 Janet has kilted her green kirtle
A little abune her knee,
And she has braided her yellow hair
A little abune her bree.

6 And when she came to Carterhaugh,
She gaed beside the well,
And there she fand his steed standing,
But away was himseil.

7 She hadna pu'd a red red rose,
A rose but barely three,
Till up and starts a wee wee man,
At lady Janet's knee.

8 Says, Why pu ye the rose, Janet?
What gars ye break the tree?
Or why come ye to Carterhaugh,
Withouten leave o me?

9 Says, Carterhaugh it is mine ain,
My daddie gave it me;
I'll coume and gang to Carterbaugh,
And ask nae leave o thee.

10 He's taen her by time milk-white hand,
Among the leaves sae green,
And what they did I cannot tell,
The green leaves were between.

11 He's taen her by the milk-white hand,
Among the roses red,
And what they did I cannot say,
She neer returnd a maid.

12 When she cam to her father's ha,
She looked pale and wan;
They thought she'd dreed some sair sickness,
Or been with some leman.

13 She didna comb her yellow hair
Nor make meikle o her head,
And ilka thing that lady took
Was like to be her deid.

14 It's four and twenty ladies fair
Were playing at the ba;
Jammet, the wighest of them anes,
Was faintest o them a'.

15 Four and twenty ladies fair
Were playing at the chess;
And out there came the fair Janet,
As green as any grass.

16 Out and spak an auld grey-headed knight,
Lay oce the castle wa:
'And ever, alas! for thee, Janet,
But we'll be blamed a'!'

17 'Now haud your tongue, ye auld grey knight,
And an ill deid may ye die!
Father my bairn on whom I will,
I'11 father name on thee.'

18 Out then spak her father dear,
And he spak meik and mild:
'And ever, alas! my sweet Janet,
I fear ye gae with child.'

19 'And if I be with child, father,
Mysell maun bear the blame;
There's neer a knight about your ha
Shall hae the bairnie's name.

20 'And if I be with child, father,
'T will prove a wondrous birth,
For weel I swear I'm not wi bairn
To any nman on earth.

24 'If my love were an earthly knight,
As be 's an elfin grey,
I wadna gie my ain true love
For nae lord that ye hae.'

22 She prinkd hersell and prinnd hersell,
By the ae light of the moon,
And she's away to Carterhaugh,
To speak wi young Tamlane.

23 And when she cam to Carterhaugh,
She gaed beside the well,
And there she saw time steed standing,
But away was himsell.

24 She badna pu'd a double rose,
A rose but only twae,
When up and started young Tamlane,
Says, Lady, thou pu's nae mae.

25 Why pu ye the rose, Janet,
Within ths garden grene,
And a' to kill the bonny babe
That we got us between?

26 'The truth ye'll tell to me, Tamlane,
A word ye mauna lie;
Gin eer ye was in haly chapel,
Or sained in Christentie?'

27 'The truth I'll tell to thee, Janet,
A word I winna lie;
A knight me got, and a lady me bore,
As well as they did thee.

28 'Randolph, Earl Murray, was my sire,
Dunbar, Earl March, is thine;
We loved when we were children small,
Which yet you well may mind.

29 'When I was a boy just turnd of nine,
My uncle sent for mne,
To hunt and hawk, and ride with him,
And keep him companie.

30 'There came a wind out of the north.
A sharp wind and a snell,
And a deep sleep came over me,
And frae my horse I fell.

31 'The Queen of Fairies keppit me
In you green hill to dwell,
And I 'm a fairy, lyth and limb,
Fair ladye, view me well.

32 'Then would I never tire, Jauet,
In Ehfish land to dwell,
But aye, at every seven years,
They pay the teind to hell;
And I am sae fat and fair of flesh,
I fear 't will be mysell.

33 'This night is Halloween, Janet,
The morn is Hallowday,
And gin ye dare your true love win,
Ye hae nae time to stay.

34 'The night it is good Halloween,
When fairy folk will ride,
And they that wad their true-love win,
At Miles Cross they maun bide.'

35 'But how shall I thee ken, Tamlane?
Or how shall I thee knaw,
Amang so many unearthly knights,
The like I never saw?'

36 'The first company that passes by,
The next company that passes by,
Say ma, and do right sae;
The third company that passes by,
Then I'll be ane o thae.

37 'First let pass the black, Janet,
And syne let pass the brown,
But grip ye to the milk-white steed,
And pu time rider down.

38 'For I ride on the milk-white steed,
And aye nearest the town;
Because I was a christend knight,
They gave me that renown.

39 'My right hand will be gloved, Janet,
My left band will be bare;
And these the tokens I gie thee,
Nae doubt I will be there.

40 'They'll turn me in your arms, Janet,
An adder and a snake;
But had me fast, let me not pass,
Gin ye wad be my maik.

41 'They'll turn me in your arnms, Janet,
An adder and an ask;
They'11 turn me in your arms, Janet,
A bale that burns fast.

42 'They'll turn me in your arms, Janet,
A red-hot gad o airn;
But had me fast, let me not pass,
For I'll do you no harm.

43 'First dip me in a stand o milk,
And then in a stand o water;
But had me fast, let me not pass,
I'11 be your bairn's father.

44 'And next they'll shape me in your arms
A tod but and an eel;
But had me fast, nor let me gang,
As you do love me wed

45 'They'll shape me in your arms, Janet,
A dove but and a swan,
And last they'11 shape nme in your arms
A motber-naked man;
Cast your green mantle over me,
I 'll be myself again.' 

46 Gloomy, gloomy, was the night,
And eiry was the way,
As fair Janet, in her green mantle,
To Miles Cross she did gae.

47 About the dead hour o the night
She heard the bridles ring,
And Janet was as glad o that
As any earthly thing.

48 And first gaed by the black black steed,
And then gaed by the brown;
But fast she gript the milk-white steed,
And pu'd the rider down.

49 She pu'd him frae the milk-white steed,
And loot the bridle fa,
And up there raise an erlish cry,
'He's won amang us a'

50 They shaped him in fair Janet's arms
An esk but and an adder;
She held him fast in every shape,
To be her bairn's father.

51 They shaped him in her arms at last
A mother-naked man,
She wrapt him in her green mantle,
And sae her true love wan.

52 Up then spake the Queen o Fairies,
Out o a bush o broom:
'She that has borrowd young Tamlane
Has gotten a stately groom.'

53 Up then spake the Queen o Fairies,
Out o a bush o rye:
'She's taen awa the bonniest knight
In a' my campamie.

54 'But had I kennd, Tamlane,' she says,
'A lady wad borrowd thee
I wad taen out thy twa grey een,	
Put in twa een o tree.

55 'Had I but kennd, Tamlane she says,
'Before ye came frae hame,
I wad taen out your heart o flesh,
Put in a heart o stane.

56 'Had I but had the wit yestreen
That I hae coft the day,
I'd paid my kane seven times to hell
Ere you'd been won away.'